كيفية التقديم
وصلني اعلان انه جامعة الامام بالرياض مقدمه اعلان لوظائف معيد , أنا كنت أبحث وأحاول أقدم على كل جامعات اللي بالمملكه.
قدمت على موقعهم وعبيت بياناتي , وبعد 6 شهور او اكثر - مو متأكده كم بالضبط - أرسلولي ايميل ومسج على الجوال يقولون انه الاختبار التحريري بعد أسبوع.
الاختبار التحريري
وصلت جامعة الامام وسجلت حضوري ,أنا تخصصي حاسب و كانوا مقسمينا على حسب تخصصاتنا, كانوا نظم المعلومات في قاعه خاصه واختبارهم غير عن تقنية المعلومات وكذا.
كان عدد المتقدمين جدا كبير . يمكن حوالي 150 متقدم لتخصص نظم المعلومات .
الاختبار كان اختياري , جدا سهل و كل المعلومات مرت عليه من قبل .وكانه منسوخ من مكان , يعني كانه جاي من (تيست بانك) . بس عموما نفس اللي درسته بجامعة عزوز , ولانه تخصصي نظم معلومات فمعظم الاسئله كانت من مادة ( مقدمة مشاريع ) .
كانت في اسئله برمجيه , كلها عن الجافا -_- أنا مستواي سئ بالجافا , ما حليت معظم الاسئله .
بس عموما الاسئله كلها كانت معلومات عامه وسهله .
ما بعد الاختبار التحريري
بعد 3 أسابيع تقريبا ارسلولي مسج على الجوال يقولوا اني ما اجتزت الاختبار التحريري للاسف , لكن الحمدلله على كل حال.
نصيحه مني
فكر كويس واسأل نفسك اذا هذي الوظيفه اللي أبغى اكمل عمري وانا اعمل فيها.
فكر في الاشياء اللي تحبها وحاول تقرر وتختار منها الوظيفه او العمل اللي انت حاب تسويه.
اذا كنت حاب تكون معيد ,او لك هدف ثاني, فتوكل على الله و ثق بنفسك ولا تتنازل ابدا عن هدفك , وان شا الله توصله بتوفيق الله.
تعليقات
إرسال تعليق